تــحــبــيــنـــه ؟؟؟! [[ مصعب العنزي ]]

هالابياات للمبدع مصعب العنزي كانت موجوده عندي من زمان
وقلت أشارك فيها بالقسمـ واقلها لكم وان شاء الله تحوز علي أعجابكمـ ..,






..
.



تحبينه ..؟ علي بالك مثل هذا يحطمني


علي الله بس هو يحبك مثل ما أنتي تحبينه


توقعتي هالخبر اذا قلتيه .. بيصدمني


بعيدة حيل عن عينك مثل قلبي تهزينه



أنا لي قلب لا منه عرف مثلك يعلمني


أكون أكبر من أسلوب الغرام اللي تعرفينه


وليش أخذ علي الخاطر .. لخاطر كان يوهمني


صغيرة صرتي بعيني .. ومصيرك تصغري بعينه


وأنا لو كنت ابتضايق .. وإذا به شي بيألمني


ويخليني أهين الحب .. وأذله .. والعن اسنينه


إلي مني ذكرتك في بداياتك .. وإلي مني ..


ذكرت شلون كنتي جاهلة .. بالحب مسكينه


نسيتي يوم قلتي لي عليك الله علمني ..


أحب شلون فهمني حكاياته .. عناوينه


وربيتك .. وعلمتك .. وقلب صار يفهمني


ومعقولة قدر قلبك علي قلبي وتخونينه


وقدر قلبك عشان الغير يتجرأ ويظلمني


ومثلي مو حرام بذمتك لحظات تنسينه


ولكن واللي خالقني وعلي الصدمات طمني


مرد تسألي عني وقلبي بتسألي وينه


وإلي منك رجعتيلي .. لقيتي هالخبر مني


أنا بدلت حبك في حبيبة من تحبينه




.



.

تعليقي عليها أختصرها بكلمه وحش علي هالابيااات ..



:: للشاعر : مصعب العنزي ::