عبدالله وبلإلحاح عليه من خاله ابو محمد ان يقعد معاهم ببيتهم رضا وطبعا ام محمد مارضت
لان تقول وين يقعد
ام محمد : يا أبو محمد مايصير تخلي عبدالله مع منى بشقة وحدة
ابو محمد لأن واثق من تربيتا لبنتا ولولد اختى :يا أم محمد شفيج ما عندج ثقة ببنتج وبتربيتج
لها
ام محمد: امبلى انا واثقة من بنتي كل الثقة بس
أبو محمد: لا بس ولا شي خلاص انا قررت وخلاص
ام محمد :تحط القاز يم النار وما تبيني اخاف
ابو محمد :انا واثق من بنتي وولد اختي وخلاص انتهى الموضوع وبعدين تبين يقول حق اختي
اني مااهتميت فيه
ام محمد:بس ياابو محمد
ويقاطعها ابو محمد:لابس ولاشي خلاص
**********************888
منى طارت من الفرحه معقوله حبيبها راح يسكن معها وراح تطلع معاه طول الصيف
عبدالله راح جاب اغراضه عشان يحطهم بييت خاله وفي حديقة البيت كانت قاعده منى مع
امها وابوها ودخلت سيارة عبدالله
عبدالله :السلام
الكل :وعليكم السلام
ابو محمد :هلاوالله بولد اختي ،تو مانور البيت
عبدالله وهو يطالع منى :البيت منور بهله
ام محمد تحب عبدالله بس موعجبتها فكرة ان يسكن بنفس الشقه اللي فيها منى :هلا
عبدالله ،ها جبت كل اغراضك
عبدالله :هلا والله خالتي أي جبتهم كلهم
نسيت ماقلت لكم ان في غرفتين برة البيت اخر الحديقة وكانت غرفة حق الخدامتين وغرفه
حق الحارس مع الطباخ
ام محمد:ميري تعالي ودي الاغراض فوق
ميري جت :انشالله ماما بس وين ايودي أي شكه
ام محمد :شقة منى ومي
ميري : اوكي ماما
وراحت ميري ودت الاغراض
ابو محمد : منى يابوج قومي ودي ولد عمتج غرفتا
منى :انشالله يبا ،يلا عبدالله
عبدالله ماكان يدري ان اهو ومنى بشقة معزوله عن ابو محمد وام محمد :يلا عن اذنكم
ام محمد وابو محمد :اذنك معاك
********************************
بلكويت وتحديدا ببيت ريم الي كانت تكلم حنان صديقتها
حنان :الا صج شلون منى
ريم :تمام انا كل يوم اكلمها 5او6مرات باليوم
حنان :هههههههههه دوا 5او 6 مرات بليوم
ريم :حبيبتي ما اقدر ما اكلمها هبلت بخالد كل يوم يعبيلي كرت كل يوم اعبي تقريبا 40دينار
حنان كانت تميل لخالد :يحليلا شكلا يعزج عسان جذي متحملج
ريم تغمز لحنان :أي والله يحليلا وياحلوه
حنان انحرجت
ريم بخبث :أي صج ما وريتج اصورنا واحنا بألمانيا
حنان :متى سافرتي
ريم :الصيف اللي طاف
وجابت الالبوم وكانت اغلب الصور لخالد وهذا اللي كانت تبي ريم عشان تشوف
نظرات حنان لصور خالد
حنان كانت تطالع خالد وجاله
********************************
نرجع لعصافير الحب اللي ببيروت
منى :تفضل الشقة شقتك
عبدالله : احنا راح نكون بروحنا
منى :أي
ودخلت منى لي الصاله وكان معلقين بطوفه بيت صغير داخلة كل مفاتيح الشقة منى قعدت
تطلع المفاتيح
منى :عبدالله هذا مفتاح الشقة وهذا مفتاح غرفتك
عبدالله وعينه بعين منى :وهذا مفتاح شنو
منى برتباك :هذا مفتاح غرفتي
عبدالله مسك أي منى وقرب منها اكثر :لا تخافين على نفسج مني ترى انتي قبل ماتكونين
حبيبتي انتي بنت خالي يعني لازم احافظ على شرفج والله لو يجمعنا غرفة وحده وانتي مو
حلال علي ماراح المسج
منى انحرجت من كلام عبدالله وحبت تغير الموضوع : تعال اوديك غرفتك
******************************
وبعد يوم من وجود عبدالله ببيت خاله ببيروت وبتحديد بشقة منى وعبدالله
منى قامت من النوم وتسبحت ولبست وطلعت الصاله :صباح الخير
عبدالله وهو يحط الورد بلمزهرية : صباح النور والسرور والحب
منى بكل حيا : شنو مسوي الريوق
عبدالله بعتب : أي بعد شسوي مو حظرتج مكبره المخده وانا ميري هني
منى تضحك على عبدالله :هههههههههههه يلا بس بسرعه خل نتريق ووريك بيروت
عبدالله :أي عاد انا اول مره اجي لبنان
منى : خلاص خلص ريوق ونروح
عبدالله :ok
****************************8
وطلعت منى مع عبدالله وكانت مه سايقهم اللبناني اللي تعتبرا ابوها لان كان معا ابوها
من يوم وهي صغيره
منى بسياره راكبه ورى وعبدالله يم جورج
جورج :مرحبا عبدالله كيفك شواخبارك
عبدالله:والله منيح
جورج :وبتقولي يامنى انه اول مره يجي بيروت لكي عم يحكي لبناني
منى:والله ماادري اذا جاي من ورانا
عبدالله :شيبيلا الكلام اللبناني ينحفظ بسرعه
منى: أي والله
جورج:منى لوين بدك تروحي
منى :اممممممم الروشه
جورج :لشو بدك تروحي الروشه
منى:عشان عبدالله يشوفها
عبدالله:أي والله ابي اشوفها بس اشوفها بتلفزيون
جورج:طيب هلق بتشوفا وتشم نسيم بحر بيروت
عبدالله :يلا عجل مشينا
وراحوا للروشه وتشوا بسوق ورجعوا بليل
*****************************8
منى بغرفتها تسولف مع حنان :والله حتى انا مشتاقه لج
حنان :موبس انا مشتاقه لج حتى وليد
منى :سلميلي عليه وبوسيه عني
حنان:ذبحني كل يوم يسأل عنج لا انتي شكلج ساحره اخوي
منى:هههههههه بعد عمري والله بس ارجع من السفر راح اجي بيتكم بس ما ابي يدري
بفاجئه ok
حنان:ok يلا باي كرتاي بيخلص
منى:باي وقعدت على السرير وفجأ دخل عليها عبدالله وشكلا معصب
منى وقفت وطالعت عبدالله:شلون تدخل علي من غير ما تدق الباب
عبدالله وبكل عصبيه :أي ما تبيني اكتشف خيانتج لي
منى وهي منصدمه:خيانتي لك
عبدالله:لاتستهبلين علي
منى :عبدالله شفيك
عبدالله :لاتذكرين اسمي على لسانج
منى :انا شسويت
عبدالله:شسويتي خنتيني ومع واحد وماتعرفين شسويتي
منى وهي تصارخ:لا انت شكلك شارب شي
عبدالله طق منى كف على خدها :جببببببببب ولا كلمه
منى والدموع بعينها وحاطا ايدها على خدها:اطلع برااااااااااا اطلع
عبدالله :أي بطلع لان ما يشرفني اقعد عند وحده مثلج
وطلع وخلاها
والحين تعتقدوت ان منى تخون عبدالله مع اخو حنان
الخميس فبراير 11, 2010 3:42 pm
